Trátase de que os participantes desenvolvan as súas propias creacións utilizando como contextualización distintas obras da exposición temporal Picasso branco no recordo azul, de tal forma que sirvan de base e inspiración.
- Público: crianzas de 4 a 10 anos, acompañadas dun adulto
- Datas: sábados 15, 22 e 29 de abril; 6, 13 e 27 de maio; e 3, 10 e 17 de xuño.
- Horario: de 17:00 h a 18:30 h
- Impartido por Arké Espacio Educativo
- Prezo: gratuíto
- Prazas: 12 / quenda
- Lugar: Museo de Belas Artes da Coruña
Inscrición:
- Todas as actividades son de balde previa inscrición a partir do 10 de abril
- A inscrición está limitada a un obradoiro por familia. No caso de dispoñibilidade de prazas, abrirase un novo prazo de inscrición para outras datas.
- A inscrición realizarase enviando a folla de inscrición (dispoñible ao final da páxina) ao correo electrónico actividades.museobelasartes.coruna@xunta.gal
- O envío do formulario non garante a reserva de praza, é necesario recibir confirmación por parte do Museo.
Programa de actividades
A Torre de Caramelo (15 de abril, 6 de maio e 3 de xuño)
Así chamaba o artista a Torre de Hércules e imos crear a nosa propia Torre de Caramelo. Os materiais diversos e poco convencionais que espertan a creatividade e invitan a saírnos das pautas marcadas serán o eixo arredor do cal xire o deseño e a construcción deste proxecto.
Rostros Picassianos (22 de abril, 13 de maio e 10 de xuño)
Unha das imaxes máis icónicas de Pablo Picasso son os seus rostros: desmontados, xirados en varias perspectivas. de proporcións imposibles… Imos xogar, experimentar e crear con este elemento tan coñecido e tan cheo de posibilidades: O Rostro.
Deconstruíndo a Pablo (29 de abril, 27 de maio e 17 de xuño)
Pensáchedes algunha vez en como serían os cadros se cobrasen vida saíndo do seu marco? Esta é a premisa coa que imos xogar e crear neste obradoiro. Pasaremos das dúas ás tres dimensións, a través dun proxecto artístico no que se funden a pintura, a escultura e o tinkering, dándolle vida a unha natureza morta.
Para calquera consulta ou aclaración, poden chamar ao teléfono: 881 881 700 de luns a venres en horario de 9 a 14 horas.
Fonte: web do Museo de Belas Artes da Coruña